Trend 2024: Chinnidek yorqin yuzlar oʻzbek ayollari e’tiborida
Yorqin yuz terisi sirlari bilan boʻlishamiz
2024-yilda trendga aylanib, ijtimoiy tarmoqlarda tarqalgan chinnidek yorqin yuzlar allaqachon dunyo podiumlariga chiqdi. Endilikda oʻzbek goʻzallari orasida ham oʻz ixlosmandlarini topishga ulgurdi. Bu yangicha pardoz uslubi, yuz terisining sokin, tabiiy yarqirashi va yengil porlashi bilan ajralib turadi. Asosiy urgʻu, yuz terisini tonal kremi va upa ichra “porlashi” uchun, yengil yashiruvchi vositalarni qoʻllashga qaratilgan.
Chinnidek yorqin yengil pardozning ilhom manbai Yaponiya va Janubiy Koreya hisoblanadi. Chunki u yerda sog‘lom, yorqin teri uzoq vaqtlardan beri mukammal go‘zallik ko‘rinishi bo‘lib kelgan. Va nihoyat, ushbu yilda, bunday goʻzallik standarti, butun dunyo boʻylab bahor-yoz mavsumining asosiy trendiga aylandi. Keyingi boʻlimlarda Oʻzbekiston iqlimida, yuz terisining chinni kabi ko‘rinishini yaratish va uni saqlash haqida gapirib oʻtamiz.
Qanday qilib chinnidek yuz terisiga erishish mumkin?
Foto: Unsplash, Alena Torgonskaya
Qachonlardir trendda bo‘lgan ortiqcha yaraqlagan va oftobda qoraygan yuz terisining mashhurlik onlari ortda qoldi. Bugungi kunda pardozchilar “oltin oʻrtani” – yengil yaraqlagan va bilinar-bilinmas qizgʻishlikka ega, silliq, baxmal yuz terisini tanlashmoqda. Buning muhim jihati shundaki, yuz terisini har tomonlama parvarish qilishni talab etadigan pigmentlar va kuperoz (kapillyar tomirlarning mo‘rtligi va qon aylanishining buzilishi bilan bog‘liq teri kasalligi) mavjud emas. Keling, chinnidek yuz terisiga erishishning bir necha yoʻllarini ko‘rib chiqamiz:
1. Yuzning tozalanishi va yangilanishi
Foto: Pixabay, Hansuan Fabregas
Chinnidek yuz terisiga erishishda boʻlgan birinchi qadamlardan biri, bu chuqur tozalanishdir. Bunda ikki tomonlama tozalash tavsiya etiladi: avvalo pardoz va iflosliklarni artish uchun yogʻli asosdagi vositadan, soʻngra esa suvli asosdan foydalaniladi. Bu tartibni kuniga ikki marta, ya’ni ertalab va kechqurun takrorlang. Epidermisning dagʻallashgan zarralarini noziklik bilan, zarar yetkazmagan holda ketkazish, yuz terisidagi xiralikni va kulrang tusni daf etishga yordam beradi.
2. Tetiklantirish va namlantirish
Foto: Pexels, Shiny Diamond
Tozalash va yuz terisining poʻsti ajralishidan keyin albatta tonerdan foydalaning. U pH-balansni normallashtirib, keyingi parvarish vositalarining epidermis qatlamiga chuqurroq kirishiga yordam beradi.
3. Relyefni tekislash va himoya
Foto: Pexels, Sunny Skin
Pardoz ostidagi quyoshdan saqlovchi asos relyef (ajinlar, chandiqlar, quruqlik, yallig‘lanish va kengaygan teshiklar)ni va yuz rangini tekislab, chinnidek ko‘rinishni yaratishga yordam beradi. Uning yordamida pardoz teshiklarni va teri archilishlarini bildirmasdan, yuzga silliq yotadi va uzoq muddat turib beradi. Oʻzbekistonning quyoshli iqlimida, yuqori SPFga ega boʻlgan asoslarni tanlash juda muhim.
4. Yengil tus
Foto: Unsplash, Liubov Ilchuk
Chinnidek yuz terisining siri yengil tusli pardozda. Тоnal vositasi yengil boʻlishi, qizarishlarni yopishi va yuzdagi teshiklarni toʻldirib tashlamasligi kerak. Dekorativ kosmetikani ishlatishda tabiiy rangingizdan bir-ikki tus ochrog‘ini tanlaganingiz ma’qul.
5. Faol konturlardan voz kechish
Foto: Pexels, Ehsan
Ushbu pardoz aniq konturning yoʻqligi bilan ajralib turadi. Bunday natijaga erishish uchun xaylayterni, T-zonasiga, yonoqlarga, iyakka va lab ustiga surish mumkin. Rumyana tabiiy qizgʻishlikni yaratishda maksimal darajada yengil boʻlishi shart.
Chinnidek yuz terisi – bu har kim qoʻllashi mumkin boʻlgan, yangicha goʻzallik namunasi. Buning siri esa, yuz terisining har tomonlama parvarishi va toʻgʻri tanlangan kosmetikada. Oʻzbekiston iqlimida, mukammal chinnidek obrazga erishish va uni saqlash uchun, ushbu tavsiyalarga rioya qiling. Yodingizda tuting, goʻzallik – bu birinchi navbatda salomatlik va oʻzingizga boʻlgan gʻamxoʻrlik. Teringiz ichidan porlasin va ichki garmoniyangizni hamda oʻzingizga boʻlgan ishonchni ifoda etsin!
