Yandex Uzbekistan Toshkentda Ultima premium servisini ishga tushirdi
Oliy toifadagi avtomobillarda sayohat qilish va mashhur restoranlardan maxsus taomlarni yetkazib berish
Yandex Uzbekistan yangi premium Ultima servisini taqdim qildi. Endi Premier tarifi orqali lyuks toifadagi avtomobillarda safarlar buyurtma qilish va shaharning mashhur restoranlaridan taomlar buyurtma qilish mumkin. Servis Toshkentdagi Yandex Go ilovasi foydalanuvchilari uchun allaqachon mavjud
Premier tarifi uchun Hongqi H5, BYD Han va Leapmotor C01 kabi keng salonli qora sedanlar, shuningdek, hashamatli krossoverlar va boshqa oliy toifadagi avtomobillar taklif qilinadi. Avtomobillarni 4.8 yoki undan yuqori reytingga ega, sinchkovlik bilan tanlangan va qo‘shimcha tayyorgarlikdan o‘tgan, shu jumladan, onlayn test va video imtihon topshirgan haydovchilar boshqarishadi.
Xizmat ko‘rsatish standartlariga alohida e’tibor qaratiladi: haydovchilar doimo dress-kodiga rioya qiladilar, mashina yonida yo‘lovchilarni kutib olib, eshiklarni ochib berishadi, yuklarini tashishda yordam berishadi va yomon ob-havo sharoitida ularni mashinaga kuzatib borishadi. Avtomobillar salonida Android va iOS (shu jumladan, Type-C) qurilmalari uchun zaryad qurilmalari, har bir yo‘lovchi uchun xushbo‘y salfetkalar va suv mavjud.
Ultima Yandex Go xizmati nafaqat maksimal darajada qulay sayohatlarni, balki 15 dan ortiq mashhur restoranlardan taomlarni yetkazib berishni ham taklif etadi, ular orasida Winesday, Teppanyaki, «Sirovarnya», «Pro.Xinkali», Cucucina, Kaspiyka, Brasserie Lambic, Benedict, Toku va boshqalar mavjud.
Taomlar tajribali, yuqori reytingga ega kuryerlar tomonidan yetkazib beriladi. O‘rtacha yetkazib berish vaqti taxminan 30 daqiqani tashkil etadi. Har bir taom uning ta’mi, yangiligi va qaynoqligini saqlab qoladigan o‘ziga xos qadoqqa joylanadi – xuddi shef-oshpaz keltirganiday. Bundan tashqari, foydalanuvchilar har bir bosqichda buyurtmani kuzatish va yuzaga keladigan barcha muammolarni tezkor hal qilishni o‘z ichiga olgan ustuvor yordamga ega bo‘ladilar.
«Ultima Yandex Go premium xizmatlar ekotizimi orqali biz mijozlarimizga butunlay yangi darajadagi qulaylik va g‘amxo‘rlikni taklif qilishni maqsad qilganmiz. Siz behavotir ravishda eng yaxshi shef-oshpazlar tomonidan tayyorlangan noz-ne’matlarni buyurtma qilishingiz yoki premium toifadagi avtomobilda safar qilishingiz mumkin. Bularning barchasi bitta ilova orqali amalga oshiriladi. Ultima foydalanuvchilarga nafaqat o‘ziga xos tajriba, balki har bir detalga e’tibor qaratilgan xizmat orqali unutilmas taassurotlar beradi», – deydi Yandex Go loyihasi Ultima xizmati rahbari Mariya Revinskaya.
Ultima xizmatli Yandex Go ilovasidan bu yerda foydalanishingiz mumkin.
Reklama huquqlari asosida.
