Dries Van Noten’ga yangi ijodiy direktor tayinlandi

Dries Van Noten yangi ijodiy direktori etib Julian Klausner tayinlanganini e’lon qildi. Dizayner brendning ayollar va erkaklar liniyalari uchun mas’ul bo‘ladi.

Julian 2018-yildan beri Dries Van Noten brendi jamoasining a’zosi bo‘lib, avvalroq u ayollar kolleksiyasining bosh dizayneri (Head of Womenswear Design) lavozimida ishlagan. Bundan oldin u Maison Margiela’da ikki yil davomida kichik dizayner sifatida faoliyat yuritgan.

Brend yangi ijodiy direktori bilan birinchi erkaklar kolleksiyasini 2025-yil yanvarida “lukbuk” formatida taqdim etadi. 2025-yil kuz-qish mavsumining ilk ayollar kolleksiyasini esa u 5-mart kuni Parij moda haftaligi podiumida namoyish etadi.