Estée Lauder
Kompaniya yangi ingredientlarni o‘rganmoqda
FotoFEstée Lauder kompaniyasi ingredientlarni tadqiq etish maqsadida biotexnologiya va farmatsevtika sohasidagi Serpin Pharma kompaniyasi bilan hamkorlik o‘rnatdi.
Serpin Pharma 20 yildan buyon yallig‘lanishga qarshi texnologiyalarni o‘rganib kelmoqda, Estée Lauder esa ularning kosmetikada qo‘llanilishini tadqiq etadi. Innovatsiyalar, ilg‘or ilmiy kashfiyotlarni bozorga tezkor joriy etishga qaratilgan Beauty Reimagined strategiyasida muhim o‘rin tutadi.
Estée Lauder kompaniyasining global innovatsiyalar, tadqiqotlar va ishlanmalar bo‘yicha ijrochi vitse-prezidenti Karl Xeyni shunday dedi: “Bu yangi texnologiya ilg‘or ilmiy kashfiyotlar chegaralarini kengaytirib, bizning transformatsion innovatsiyalar dasturimizni yanada rivojlantiradi”.
Serpin Pharma asoschisi, ijrochi raisi va bosh direktori Koxava Gelber qo‘shimcha qildi: “Serpin Pharma biomimikriya tamoyillariga va tabiatning jarohat hamda shikastlanish muammolarini qanday hal qilishini tadqiq etishga asoslangan. Biz yallig‘lanishni bartaraf etish uchun tananing tug‘ma mexanizmidan foydalangan holda yangicha yondashuvni qo‘llaymiz”.
