Bottega Veneta va shoira Yu Syuxua

Bottega Veneta Shanxayda xitoylik shoira Yu Syuxuaning 19 000 kitobidan tashkil topgan installyatsiyani namoyish etdi. Bolalar serebral falaji bilan og‘rigan shoira sevgi, mehr, yolg‘izlik hamda kasallik mavzulari haqida yozadi va qishloqda yashaydi. Bir necha yil ichida Yu ikki mingdan ortiq she’r yozgan bo‘lib, ular 2015-yildan boshlab turli nashrlarda chop etib kelinmoqda.

“Bottega Veneta uchun Yuning ijodi brendning asosiy qadriyatlari va axloqining ajralmas qismi hisoblangan o‘zini ifoda etishning yorqin namunasidir”, – deya ta’kidlaydi modalar uyi.