Oy toshlari
Nima uchun zumrad may oyi uchun ideal tanlov?
May oyida tabiat gulga burkanadi va shu bilan birga kundalik qiyofamizga yorqin urg‘ular qo‘shish istagi uyg‘onadi. Zumrad oddiy qimmatbaho tosh emas, balki nafislik va uslubning ramzi bo‘lib, u yana jahon sahnalarida e’tibor markaziga qaytdi.
Zargarlik solnomasi: brendlar klassikani qanday qayta talqin qilmoqda
So‘nggi Met Gala 2025’da zumrad kechaning haqiqiy yulduziga aylandi. Priyanka Chopra Balmain’ning retro uslubidagi libosida paydo bo‘ldi, uni 241 karat og‘irlikdagi ajoyib Bulgari marjoni to‘ldirdi – bu brend tomonidan yaratilgan eng yirik qirrali tosh edi.
fotо: Instagram/Balmain
Parijda Bulgari “Eden: The Garden of Wonders” to‘plamini taqdim etdi, unda zumrad alohida o‘rin egalladi. Ayniqsa, kichik Eyfel minoralari shaklidagi zumrad va olmoslarni uyg‘unlashtirgan “Tribute to Paris” marjoni e’tiborni tortadi.
foto: bulgari.com
Aql bilan uslublash: bugun zumradni qanday taqish kerak?
Asosiy tamoyil – muvozanat. Zumrad o‘zining to‘yingan rangiga qaramay, pastel va neytral tuslar bilan osongina uyg‘unlashadi.
Ofis qiyofangizga bir tomchi hashamat qo‘shmoqchimisiz? Sodda hoshiyali kichik zumradli sirg‘a-pusetlarni tanlang – bu nafis, ko‘zga tashlanmaydigan va juda zamonaviy ko‘rinadi.
фотo: thejewelleryeditor.com
Kechki tadbirlar uchun dadilroq aksent mos keladi: marjon, bilaguzuk yoki yirik toshli to‘g‘nog‘ich. Zumrad ipak, atlas, baxmal kabi nafis matolar fonida ayniqsa yorqin namoyon bo‘ladi. To‘q ranglardan cho‘chimang – qora, to‘q ko‘k yoki zumrad yashil ranglar uning chuqurligini yanada ta’kidlaydi. Ortiqchalikdan qoching. Qo‘ying, bu tosh o‘zi uchun so‘zlasin.
Yengil hashamatmi yoki vintaj ilhomi?
Bu yerda hamma narsa sizga bog‘liq. Klassikani yoqtirasizmi? Oltin hoshiyali zumrad taqinchoqlariga e’tibor bering – issiq metall toshning tabiiy yorqinligini ajoyib ta’kidlaydi. Minimalizm va arxitekturaviy shakllar sizga yaqinroqmi? Unda platina yoki oq oltin sizning tanlovingiz. Ular yashil rangni “sovutadi”, taqinchoqqa qat’iylik va zamonaviylik baxsh etadi.
Shaklni ham unutmang: oval shakl yumshoq va ayollarga xos ko‘rinadi, noksimon shakl harakatni ifodalaydi, to‘rtburchak shakl esa aniqlik va grafiklikni ta’minlaydi. Ideal emas, balki o‘zingizni aks ettiradigan narsani izlang.
