Addams oilasi haqida yangi multfilm
“Hammasi yangicha, lekin o‘ziga xos qora yumor bilan”
“Wednesday” seriali mualliflari Alfred Gough va Miles Millar Addams oilasi haqidagi to‘liq metrajli animatsion film ustida ishlashmoqda. Amazon MGM studiyasi uchun yaratilayotgan yangi loyihaning oldingi ekranlashtirishlarga umuman aloqasi bo‘lmaydi. Ishlab chiqarishda prodyuserlar Gail Berman va John Glickman, shuningdek, original personajlarni yaratgan Charlz Addams merosining saqlovchisi Kevin Mizerochi ham ishtirok etmoqda. Jamoa bu mavzudagi multfilmlarga xos qora yumorni saqlab qolishni, biroq uni mutlaqo yangi talqinda taqdim etishni va’da qilmoqda. Film kinoteatrlarda namoyish etiladi, ammo syujet tafsilotlari, aktyorlar tarkibi va taqdimot sanasi hali oshkor qilingani yo‘q.
