Quyoshli chiqish: Pamela Anderson Carolina Herrera arxiv obrazini qaytarmoqda
Venetsiya kinofestivalida Pamela Anderson Place to Be filmi premyerasiga yorqin sariq Carolina Herrera libosida tashrif buyurdi. Ammo bu obrazning eng qiziqarli jihati — uning tarixi: libos brendning 2019-yil bahor-yoz kolleksiyasida taqdim etilgan.
Bu kolleksiya Wes Gordon uchun Carolina Herrera kreativ direktori sifatidagi ilk kolleksiya bo‘lgan. Dizayner moda uyining an’anaviy kodlarini qayta talqin qilib, ularni yanada yengil va zamonaviy ko‘rinishga olib keldi, rang esa kolleksiyaning asosiy aksentlaridan biriga aylandi. Ochiq yelkali, hajmli yenglari va uzun shleyfi bilan ajralib turadigan sariq libos ilk bor 2018-yil sentabrida Nyu-Yorkdagi podiumda namoyish etilgan.
Sakkiz yil o‘tib, Anderson uni Venetsiya qizil yo‘lagiga qaytardi. Aktrisa obrazni zargarlik buyumlari va mayin to‘lqinli soch turmagi bilan to‘ldirib, asosiy e’tiborni libosning yorqin rangi va siluetiga qaratdi.
Arxivdagi Carolina Herrera libosi aktrisaning bu yilgi yorqin Venetsiya garderobining davomi bo‘ldi. Shu bilan birga, bu yaqin o‘tmishdagi arxiv buyumlari qanday qilib yangi hayotga ega bo‘lishi va ba’zan eng so‘nggi kolleksiyalardan ham dolzarbroq ko‘rinishi mumkinligining yana bir misolidir.
Foto: Valeriya Kalyupanova
