Suv tubidagi oltin
Parfyumerlar anbarni qanday qoʻllashadi
![](https://elleuzbekistan.com/wp-content/uploads/2024/07/Foto-1-Original-1.jpg)
Tabiiy anbar – parfyumerlar orasida juda qadrlanadigan qimmatbaho va nodir ingredientdir, baʼzan uni okean qahrabosi deyishadi. Turli vaqtlarda anbardan dori vositasi oʻrnida, diniy marosimlarda oshpazlikning muhim komponenti va hattoki bezaklar sifatida ham foydalanilgan. Tarkibning murakkab kelib chiqishi va kamyobligi iforning qiymatini oshiradi. Ammo xomashyo sotuvchilari uni Marokash va Kair bozorlaridan izlashda davom etishyapti. Parfyumerlar esa taʼminotchilar orqali mahsulotning hatto kichik boʻlagini boʻlsa ham, topilishi mumkin boʻlgan har yerdan – Avstraliya, Braziliya, Yaponiya, Hindiston, Xitoy, Madagaskar va Bagam qirgʻoqlaridan izlab, uni qoʻlga kiritishga harakat qilishadi.
![](https://elleuzbekistan.com/wp-content/uploads/2024/07/Foto-2.jpg)
Foto: Freepik
Anbar nimasi bilan qiymatli? Bu mahsulot iforlarni ushlab qolishga yordam beradi, atirlarning uzoq turishini va oʻzidan goʻzal, iliq shleyf qoldirishini taʼminlaydi va koʻpincha asos sifatida ishlatiladi. Anbar sandalni, brazilcha yongʻoqni, tamakini, quyoshda quritilgan suvoʻtini yodga solib, Sharqda uning hidi kuchli afrodiziak (hissiyotni oshiruvchi) hisoblanadi. Bu shunday yoki yoʻqligini, oʻzimiz uchun anbarlik kompozitsiyani tanlab, tekshirib olish mumkin. Fragrance du Bois, Coreterno, Perris Monte Carlo, Xerjoff, Byredoda goʻzal turlari mavjud.
![](https://elleuzbekistan.com/wp-content/uploads/2024/07/Foto-3.jpg)
Foto: Freepik