O‘zbekiston hujjatli filmi Berlinale 2025 Berlin kinofestivalida namoyish etiladi
Sabina Bakayevaning filmi O‘zbekiston nomidan qatnashib, dasturga kiritilgan uchinchi film bo‘ldi
“Yalang‘ochlik” filmi Sabina uchun debyut hisoblanadi. U dasturga kiritilgan O‘zbekistonda tasvirga olingan uchinchi film bo‘ldi. 2014-yilgi festivalda Saodat Ismoilovaning “40 kun sukut” filmi, 2000-yilda esa Yusuf Raziqovning “Voiz” filmi premyerasi o‘tkazilgan edi.
Sabina Bakayeva 1995-yilda Sankt-Peterburgda tug‘ilgan. Butun umri davomida O‘zbekistonda yashab, jurnalist bo‘lib ishlaydi. 2023-yilda u Fransiyaning Ateliers Varan kinomaktabi va Tashkent Film School qo‘shma ustaxonasida malaka oshirib, ilk filmini suratga oldi.
“Men onam va uning xarakteridagi o‘zgarishlar haqida film suratga olishni taklif qildim. U taqiqlarga o‘rganib qolgan va qiziqishlari bo‘lmagan insondan 60 yoshdan keyin ko‘plab mashg‘ulotlarga ega ayolga aylandi: qo‘shiq aytish, suzish, yoga, psixologiya, fortepiano chalish. Onam hatto universitetga o‘qishga kirdi”, – deya Elle O‘zbekiston bilan o‘rtoqlashdi Sabina.
