Blackpinkdagi Lisa Louis Vuittonning ambassadori bo‘ldi
Bundan oldin xonanda Celine reklama kampaniyalarining yuzi edi
Blackpink guruhining xonandasi Lisa Louis Vuitton moda uyining yangi hamkoriga aylandi. Ilgari yulduz LVMN konglomeratiga tegishli Celine brendini namoyish etardi.
Xonandaning brend bilan hamkorligi haqidagi dastlabki taxminlar mart oyida brendning kuz-qish 2024 kolleksiyasi koʻrgazmasiga tashrif buyurganidan keyin paydo bo‘ldi.
Lisa Louis Vuitton brendining doimiy hamkorlari ro‘yxatiga qo‘shildi. Ushbu roʻyxatda BTCdan J-Hope, Zendaya, Emma Stone, Sophie Terner, Deepika Padukone va boshqalar ham bor.
