Burgundy: kuzning eng zamonaviy rangi

Uni qanday qilib garderobga kiritish va sevimli tusga aylantirish mumkin?

22 Sen 2024

Irina Perovadan

Mavsumdan mavsumga butun ranglar palitrasi modali tus unvoni uchun safga tiziladi. Grafit, och qizil, zaytun... endi burgundy rangi davri keldi.

To‘q qizil rangda brendlar garderob elementlarining har birini taqdim etishdi. Bu rangda butun boshli obrazni yig‘ish ham, alohida detallarga e’tibor qaratish ham mumkin: kardigan yoki keng sig‘imli sumka, qo‘lqop yoki kepka, keta yoki loferlar.

Foto: SPOTLIGHT / Chanel

Foto: SPOTLIGHT / Gucci

Trendga aylangan bu rang butun ranglar majmuasi bilan uyg‘unlashadi, qaymoq rang, moviy, yashil, shaftoli rang, kulrang, oq, jigarrang, binafsha va qora ranglar bilan bir xilda go‘zal tarzda mos keladi.

Chloé to‘r, teri va qalin plash matosi kabi turli xil xususiyatli mato yuzalarini birlashtirishni tavsiya etadi. Philosophy di Lorenzo Serafini to‘q qizil drapirovka qilingan ko‘ylak va yorqin laym rangidagi ipak poyabzaldan iborat dadil kombinatsiyani namoyish etdi. Sevimli namunalarimiz orasida Etro – to‘yingan grafit rangli uyg‘unlik mavjud. MSGM esa yanada ilgarilab, alvon va qizil ranglarning birikmasini ta’kidlamoqda. Obrazning hamohangligi uchun ikkala rang bir xil haroratda bo‘lishi lozim.