Demi Murning ijod yo‘li: yutuqlar va mag‘lubiyatlar

Amerikalik aktrisa Demi Jin Gaynes 1962-yil 11-noyabrda tug‘ilgan. Demining bolaligi og‘ir kechgan: otasi qiz tug‘ilmasidan oldin ularni tashlab ketgan, o‘gay otasining kasb faoliyatidagi beqarorlik, ota-onasining ichkilikbozligi ularning tez-tez ko‘chib yurishiga sabab bo‘lgan. Biroq, Demi Mur intervyularidan birida aytishicha, ko‘plab ko‘chishlar tufayli u har qanday yangi muhitga moslashish va odamlar bilan tez til topishish qobiliyatiga ega bo‘lgan. Aynan shu omil uning aktrisa sifatida shakllanishida muhim rol o‘ynagan.

16 yoshida Demi modellik agentligida ishlash uchun maktabni tashlab ketdi. Uch yildan so‘ng, u “Bosh kasalxona” teleserialida suratga tusha boshladi va aynan o‘sha paytlarda giyohvandlikka ruju qo‘ydi. Shu sababli rejissyor Joel Shumaxer uni ishdan chetlashtirdi. U yosh aktrisaga ultimatum qo‘yib, barcha zararli odatlardan voz kechishni talab qildi. Demi Mur davolanishni muvaffaqiyatli yakunladi va qisqa vaqt ichida, deyarli olti oydan so‘ng, professional faoliyatini qayta boshladi.

Demi Mur “Bosh kasalxona”da ishlagan davrida bir nechta kinoloyihalarda qatnashish uchun vaqt topa oldi. 1981-yilda musiqachi Freddi Mur bilan turmush qurgach, er-xotin birgalikda “Parazit” (1982) nomli 3D formatdagi ilmiy-fantastik qo‘rqinchli filmda rol ijro etishdi.

Serialdagi ishtiroki tugagach, Demi Mur kino karyerasini boshlashda qiyinchiliklarga duch keldi. Uning Maykl Keynning qizi rolini ijro etgan “Hamma narsaga Rio  aybdor” (1984) filmidagi ishi na kino tanqidchilari, na tomoshabinlar e’tiborini tortdi.  Jon Krayerning sevgilisi sifatida “Faqat kuchli his-tuyg‘u” (1984) filmida bosh rolni ijro etishiga qaramay, aktrisa faqat "Avliyo Elm chiroqlari" (1985) filmi ekranlarga chiqqandan keyingina shuhrat qozondi.

Film oliy o‘quv yurtini endigina tugatgan do‘stlar jamoasining hayoti haqida hikoya qiladi. Filmda Rob Lou, Endryu Makkarti, Jadd Nelson, Elli Shidi va Emilio Esteves kabi yosh aktyorlar suratga tushgan, ular ham keyinchalik katta shuhrat qozonishdi.

1984-yilda Mur xonim birinchi turmush o‘rtog‘i bilan ajrashdi. Shundan so‘ng u Emilio Esteves bilan munosabat o‘rnatdi va 1985-yilda unashtirilganliklarini e’lon qilishdi. 1986-yilda ular ssenariy muallifi va rejissyori janob Esteves bo‘lgan “Donishmandlik” filmida birgalikda rol ijro etishdi. O‘sha yili Mur xonim Chikagodagi yosh bo‘ydoqlar hayotiga bag‘ishlangan Rob Louning “O‘tgan kecha nima bo‘ldi?” filmida rol o‘ynadi.

Kino tanqidchisi Rojer Ebert bosh rol ijrochilarining aktyorlik mahoratini yuqori baholab, film ularga “aktyorlik iste’dodini namoyish etish uchun eng yorqin imkoniyatlar” berganini ta’kidladi. U Demi Murning ijrosini alohida ta’kidlab: “ayniqsa, ta’sirchan”, deb atadi. Uning fikricha, aktrisa o‘z qahramoniga xos bo‘lgan barcha romantik jihatlarni ijro etishi kerak edi va u bu vazifani a’lo darajada uddaladi.

1987-yilda Esteves bilan ajrashgach, aktrisa uchinchi marta aktyor Bryus Uillisga turmushga chiqdi. Bir yildan so‘ng, Demi Mur yana katta ekranda paydo bo‘ldi va “Yettinchi alomat” trillerida bosh rolni ijro etdi. Uning homilador qahramoni qiyomatning oldini olishga harakat qiladi. Tanqidchilarning ayrim ijobiy baholariga qaramay, film tijoriy muvaffaqiyatga erisha olmadi va atigi 16 million dollar daromad keltirdi.

Aktrisaning keyingi ishi Robert De Niro va Shon Penn kabi mashhur aktyorlar ishtirokidagi “Biz farishta emasmiz” (1989) komediyasi bo‘ldi. Biroq, yulduzlar tarkibiga qaramay, film kutilgan qiziqishni uyg‘ota olmadi.

1990-yillarning boshlarida o‘sha davrning eng muvaffaqiyatli filmlaridan biri – “Arvoh” ekranlarga chiqdi. Dastlab, Demi epizodik rolga tayinlangan edi ammo taqdir boshqacha yo‘l tutdi. Film taxminan 218 million dollar daromad keltirdi va beshta nufuzli ‘Oskar” mukofotiga nomzod bo‘ldi.

“Arvoh” filmi muvaffaqiyat qozonganidan so‘ng, aktrisa “Yaxshi yigitlar”, “Uyatsiz taklif”, “Fosh qilish” va boshqa filmlarda bosh rollarni ijro etdi.

O‘sha yili Demi Mur “Yettinchi alomat” post-apokaliptik trillerida bosh rolni ijro etdi. Uning homilador qahramoni qiyomat-qoyimning oldini olishga urinadi. Kino tanqidchilarining ayrim maqtovlariga qaramay, film kutilgan daromadga erisha olmadi va arzimas foyda keltirdi.

Aktrisaning keyingi ishi “Biz farishta emasmiz” (1989) komediyasi bo‘lib, unda mashhur aktyorlar Robert De Niro va Shon Penn ham rol o‘ynagan. Shunday bo‘lsa-da, film tomoshabinlar orasida katta qiziqish uyg‘otmadi.

1995-yilda Demi Mur kino sanoatida sezilarli yutuqlarga erishdi va o‘sha davrning eng ko‘p haq oladigan aktrisasiga aylandi. “Striptiz” (1996) filmidagi roli uchun u 12,5 million dollar gonorar oldi.  Ushbu dramada Mur yolg‘iz ona obrazini ijro etdi. Aktrisaning qizi rolini uning haqiqiy qizi Rumer Uilis o‘ynadi.

1998-yilda Mishel Mur uchta qizi bilan Aydaxo shtatining Heyli shahriga ko‘chib o‘tdi. U yerda u va Uillis avvalroq uy-joy sotib olishgan edi.  Heylida istiqomat qilgan davrida Mur xonim asosiy e’tiborini farzandlar tarbiyasiga qaratdi. Qishloq shaharchasidagi xilvat turmush tarziga qaramay, 2000-yilda u “Ikki hayot” nomli dramada rol ijro etib, aktyorlikka qaytdi.

1998-yilda Mishel Mur uchta qizi bilan Aydaxo shtatining Heyli shahriga ko‘chib o‘tdi. U yerda u va Uillis avvalroq uy-joy sotib olishgan edi.  Heylida istiqomat qilgan davrida Mur xonim asosiy e’tiborini farzandlar tarbiyasiga qaratdi. Qishloq shaharchasidagi xilvat turmush tarziga qaramay, 2000-yilda u “Ikki hayot” nomli dramada rol ijro etib, aktyorlikka qaytdi.

2000-yillar boshida Mur bir qator shaxsiy sinovlarga duch keldi, jumladan onasining saratondan vafot etishi va 2000-yilda Uillis bilan ajralishuvi. Shu davrda u “Charli farishtalari: To‘liq oldinga” (2003), “Bobbi” (2006) va “Janob Bruks” (2007) kabi filmlarda ikkinchi darajali rollarni ijro etishga ko‘proq e’tibor qaratdi.

Taxminan, shu paytda Mur xonim nafaqat kinodagi ishlari, balki shaxsiy hayoti tufayli ham ommaviy axborot vositalarining e’tiborini tortdi. U o‘zidan 15 yosh kichik bo‘lgan aktyor Eshton Katcher bilan munosabat o‘rnatdi.

Aktrisa Mur qiziqarli loyihalar ustida ishlashni davom ettirdi. U oilaviy munosabatlar haqidagi “Baxt ko‘z yoshlari” nomli mustaqil dramada rol o‘ynadi. Bu filmda uning hamkasblari Parker Pouzi, Rip Torn va Ellen Barkin edilar. Asar 2009-yil fevralda Berlin kinofestivalida namoyish etildi. 2010-yilda Mur Josh Xartnett va Ron Perlman bilan birga “Bunraku” detektiv triller filmida suratga tushdi. Shuningdek, o‘sha yili u Devid Duxovniy bilan “Jonslar oilasi” dramasida ishtirok etdi.

Demi Mur tajribalar va g‘ayrioddiy yechimlarga intilishi bilan tanilgan. U tashqi ko‘rinishidagi keskin o‘zgarishlardan, masalan, jamoatchilik oldida sochini oldirish yoki ochiqchasiga suratga tushishdan cho‘chimasdi. Bunday keskin yondashuv unga karyerasida doimo muvaffaqiyat keltirgan.

So‘nggi yillarda aktrisa keng ommaga mo‘ljallanmagan va tijorat muvaffaqiyatini ko‘zlamagan filmlarda ikkinchi darajali rollarga rozi bo‘lib, mustaqil kinoda ishtirok etishni afzal ko‘rmoqda.