ELLE ufqlarni kengaytiradi
Endilikda dunyo bo‘ylab 50 ta bosma nashr mavjud
ELLE brendiga egalik qiluvchi Lagardère News media kompaniyasi O‘zbekiston va Malayziyada nashrlar yo‘lga qo‘yilishini e’lon qildi. 250 million o‘quvchi, internet foydalanuvchilari va obunachilari bilan brend kengayishda davom etmoqda va ayollarning “media olamidagi yetakchi” pozitsiyasini shubhasiz tasdiqlamoqda.
O‘zbekistonda ELLE jurnalining birinchi bosma soni 14-sentyabr kuni taqdim etildi. Iyun oyida veb-sayt va ijtimoiy tarmoqlar muvaffaqiyatli ishga tushirildi. 2024-yil oxirigacha ELLE O‘zbekiston ikkita, 2025-yilda esa oltita nashrni taqdim etadi.
Bosma jurnalning ishga tushirilishi brendning Markaziy Osiyodagi mavqeini mustahkamladi va o‘zbek tilidagi birinchi xalqaro nashrga aylandi.
Malayziyada ELLE veb-sayti va ijtimoiy tarmoqlari avgust oyining o‘rtalarida ishga tushirildi va jurnalning birinchi soni 16-sentyabrda chiqdi. Nashr davriyligi – har oy: 2024-yil oxirigacha to‘rtta nashr, 2025-yilda esa o‘n ikkita nashr rejalashtirilgan.
«ELLE oilasi o‘sib bormoqda va biz Malayziya hamda O‘zbekistondagi ELLE jamoalarining har doim ijobiy va ahamiyatli bo‘lib qoladigan brend missiyasi va qadriyatlarini o‘quvchilarga yetkazish qobiliyatiga ishonamiz. Biz ushbu ikki mamlakat ayollarini moda, go‘zallik, madaniyat, turmush tarzi va albatta, jamiyat masalalariga ELLEning noyob yondashuvi bilan ilhomlantirib, ularni qo‘llab-quvvatlash va ular bilan chuqur aloqalarni o‘rnatishdan mamnunmiz», – dedi Lagardère News va ELLE International bosh direktori Konstans Benke.
