Gucci pre-fall 2025 to‘plamini namoyish etdi

Kundalik bashanglik

17 Dek 2024

Irina Perovadan

Sabato de Sarno 70-yillarga qaytmoqda. Gucci 2025 yilgi pre-fall kolleksiyasida ushbu o‘n yillikka xos bo‘lgan qirqilgan keng shim, klassik qora shokoladdan to kanareyka sarg‘ishigacha bo‘lgan sun’iy mo‘yna, kalta qo‘lqoplar va bandana ro‘mollari mavjud. Bundan tashqari, dizayner yarim shaffof boxo ko‘ylaklari, oltin chokerlar bilan uyg‘unlashgan binafsha rangdagi shim kostyumlarini taqdim etmoqda.

Foto: INSTAGRAM/gucci

Foto: INSTAGRAM/gucci

Foto: INSTAGRAM/gucci

«Bu Gucci DNKsining ajralmas qismi deb tan olgan kundalik hashamatga sho‘ng‘ish edi: oddiy, ammo chuqur italyancha, odatiy emas, balki kiyish uchun mo‘ljallangan chiroyli buyumlardan yaratilgan kundalik nafosat. Kolleksiya uchun men bu elementlarni nostalgiyasiz, yangi va zamonaviy ko‘rinadigan tarzda qayta ko‘rib chiqishni xohladim», - deydi Sabato de Sarno.

Bomber va kargo yubkalaridan iborat charm to‘plamlar lukbukda pushti rangda namoyon bo‘ldi. Qalin paxtadan tayyorlangan shunga o‘xshash to‘q zaytun rangli kostyum ham mavjud. Aytgancha, kolleksiyaning katta qismi, jumladan, ko‘ylak-kombinatsiyalar, erkin bichimli shimlar, logotipli ko‘ylaklar va kurtkalar aynan shu rangda taqdim etilgan.