Xromatik inqilob: Hublot Big Bang Unico Magic Ceramic

Hublot kompaniyasi dunyodagi birinchi xilma-xil rangli keramika – Magic Ceramic innovatsion materialini taqdim etdi. Pigmentatsiya xususiyatlari va kuydirish haroratini hisobga olgan texnologiya patentlangan va birinchi marta Big Bang Unico Magic Ceramic cheklangan seriyasida taqdim etilgan. U 20 nusxadan iborat.

Tadqiqot va ishlanmalar bo‘yicha direktor Matias Byutte Hublot’ning eng so‘nggi innovatsiyasi haqida gapirar ekan, shunday dedi:

“Jamoamiz Hublot’ning qalbini mukammal aks ettiruvchi materialni ishlab chiqarishga muvaffaq bo‘lganidan juda faxrlanaman: ilm-fan, alkimyo va aqlsizlik chegarasidagi jasoratning muvaffaqiyatli uyg‘unligi. To‘rt yildan ortiq izlanishlardan so‘ng biz yorqin, patentlangan ranglarni birlashtirish san’atini o‘zlashtirdik va bu haqiqiy texnik yutuqdir. Tashabbuskor yosh muhandislarimizning ijodkorligi va iste’dodi tufayli Hublot kompaniyasining ilmiy yondashuvi va innovatsion ruhi hayratlanarli bo‘lib qolmoqda”.

FOTO: Hublot MATBUOT XIZMATI

Qiziqarli, hayratlanarli va shunchaki aql yoki mantiq doirasidan tashqarida bo‘lgan rangli kulolchilik o‘ziga xosligi bilan ajralib turadi. Big Bang Unico Magic Ceramic modelida to‘q kulrang keramik bezel yorqin ko‘k doiralar bilan bezatilgan bo‘lib, ular organik ravishda ixtiyoriy tartibda joylashgan.

Big Bang Unico Magic Ceramic modelida Hublot ustaxonalarida to‘liq loyihalashtirilgan, ishlab chiqilgan va ishlab chiqarilgan flyback funksiyasiga ega UNICO xronografining avtomatik mexanizmi o‘rnatilgan. Uning kulrang bezagi ko‘p rangli keramikaning asosiy tusi bilan uyg‘unlashadi. Qora astarli tasma soatning san’ati asari obrazini yakunlaydi.

FOTO: Hublot MATBUOT XIZMATI

Big Bang Unico Magic Ceramic – bu cheklangan seriya bo‘lib, u ko‘p rangli keramikadan yasalgan dunyodagi birinchi modellar seriyasi sifatida tarixga kiradi va Hublot uchun yangi ijodiy yo‘lning boshlanishini belgilaydi.