Kelinchak pardoz to‘plami

To‘y kuni kelin benuqson go‘zallik bilan yarqirab, butun marosim davomida bekami-ko‘st ko‘rinishni xohlaydi. O‘zingizni ishonch bilan har qanday kutilmagan hodisalarga tayyor bo‘lish uchun yaxshilab o‘ylangan kosmetika buyumlarini yig‘ing. ELLE O‘zbekiston sizga to‘y kunining boshidan oxirigacha nafis qiyofani saqlashga yordam beradigan zarur beauty mahsulotlari ro‘yxatini tuzdi.

Salfetkalar yoki upa

His-tuyg‘ular va harakatlar teriga tabiiy yorqinlik beradi, lekin ortiqcha jilvalanishdan qochish uchun matlovchi salfetkalardan foydalaning - ular makiyajni buzmasdan qiyofani yangilaydi. Yengil, shaffof upa ham terida og‘irlik his qilmasdan unga yangilik beradi va ajoyib tanlovga aylanadi.

foto: freepik

Pomada va yaltiroq lablar

Kelin tabassumi to‘y ko‘rinishining asosiy urg‘ularidan biri hisoblanadi, shuning uchun lablar doimo mukammal ko‘rinishga ega bo‘lishi haqida g‘amxo‘rlik qilish kerak. Kosmetika sumkangizga pomada va lab yaltiroqligi, shuningdek, zarur bo‘lsa lablarni namlashga yordam beradigan shaffof balzamni qo‘shing.

foto: freepik

Kichik tuzatishlar uchun konsiler

Konsiler - to‘y kosmetika sumkasidagi zaruriy buyum. Agar hayajonlanish yoki uzoq davom etgan tantana teringizda iz qoldira boshlasa, u haqiqiy najot bo‘ladi. Qizarish, charchoq yoki mayda kamchiliklarni osongina yashirib, yuzingizga yangi ko‘rinish beradi.

foto: freepik

Kichik hajmdagi parfyumeriya

Kun bo‘yi davom etuvchi xushbo‘y hid sizning ko‘rinmas aurangizga aylanadi. Vaqti-vaqti bilan hidni yangilab turish va o‘zingizni ishonchli his qilishingiz uchun sevimli atiringizning kichik shaklini tanlang.

foto: pexels

Pardozni mustahkamlovchi sprey

Pardozni yangi va bardoshli saqlash uchun mustahkamlovchi sprey kosmetikaga ajoyib qo‘shimcha bo‘ladi. Bunday spreyning bitta yengil qatlami faol his-tuyg‘ular va harakatlarda ham makiyajga barqarorlik beradi.

foto: freepik

Taroq

Mukammal soch turmagi - yana bir muhim jihat. Doimo benuqson ko‘rinish uchun kosmetika sumkangizga kichkina taroq yoki ixcham soch turmaklash to‘plamini solib qo‘ying. Bu, ayniqsa, sochingiz yoyilib ketgan yoki vaqti-vaqti bilan tartibga solishni talab qiladigan erkin turmakli bo‘lsa, juda foydali.

foto: freepik

Qadoq plasterlari

To‘y tuflilar chiroyli, ammo doim ham qulay emas. Noqulay his-tuyg‘ulardan qochish va bemalol raqsga tushish uchun o‘zingiz bilan plasterlar oling. Ular oyoqlaringiz qulayligi uchun juda zarur.

foto: pexels

Soch rezinkasi va to‘g‘nag‘ichlar

Bu mayda-chuyda narsalar ko‘pincha eng noqulay paytda kerak bo‘lib qoladi. Soch rezinkasi va bir juft to‘g‘nag‘ich kerak bo‘lganda sochni tezda yig‘ib olish yoki turmakni tuzatishga yordam beradi.

foto: freepik