Loewe brendi Squeeze sumkasini tayyorlash jarayonini ko‘rsatdi
Brend mashhur model haqidagi qiziqarli ma’lumotlarni ham bo‘lishmoqda
Ispaniyaning Loewe moda uyi o‘zining mashhur Squeeze sumkasi modelining ishlab chiqarilish jarayoni va u haqidagi qiziqarli ma’lumotlar bilan o‘rtoqlashdi.
Modelning dastasi 3D printerda chop etilgan materiallardan tayyorlangan, sumkaning o‘zi esa buklanuvchi shaklda bo‘lib, nappa terisidan ishlab chiqarilgan.
Squeeze sumkasi 2023-yilda paydo bo‘lib, tezda moda ishqibozlari va inflyuyenserlar orasida sevimli bo‘lib qoldi. Ushbu model turli xil ranglarda taqdim etilgan bo‘lib, uning qo‘lda munchoqlar bilan bezatilgan cheklangan nusxalari ham mavjud.
