Roberto Coin: zargarlik tendensiyalarining qomusbardori

Nafislik ramzi: oltin, olmos va yashirin yoqut

01 Mar 2025

Irina Perovadan

1996-yilda asos solingan italiyan brendi sanoqli yillar ichida o‘z kolleksiyalarida ajoyib mahorat, innovatsion texnologiyalar va betakror uslubni mujassamlashtirgan holda tendensiyalar asoschisiga aylandi.

Mukammallik sari yo‘l

Roberto Koin zargarlik olamiga mehmonxona biznesidan kelgan, biroq uning go‘zallik va nafosatga bo‘lgan ishtiyoqi tez orada dunyoga o‘ziga xoslik va nafislik ramziga aylanadigan taqinchoqlarni taqdim etish missiyasiga aylandi. Venetsiya san’ati, me’morchiligi va an’analaridan ilhomlanib, u oddiy zeb-ziynat buyumlaridan ko‘ra ko‘proq narsa yaratishga ahd qildi – har bir taqinchoq o‘z tarixini so‘zlashi, his-tuyg‘ularni ifodalashi va shaxsiy tumorga aylanishi kerak edi.

foto: instagram/roberto_coin

Roberto Coin tashkil topganidan buyon dizayn va qimmatbaho materiallar bilan ishlashdagi o‘ziga xos yondashuvi tufayli e’tirofga sazovor. Bugungi kunda brend Yuqori zargarlik olamida faxrli o‘rinni egallaydi.

Innovatsiyalar va ijodiy uslub

Roberto Koinning o‘ziga xos xususiyati jasorat bilan tajriba o‘tkazishidir. Brend zamonaviy texnologiyalar va qo‘l mehnatini uyg‘unlashtirib, har bir bezakni chuqur ma’noga ega san’at asariga aylantiradi. Brend birinchilardan bo‘lib g‘ayrioddiy tuzilma va hajmli shakllardan foydalanishni boshladi, tafsilotlarga e’tibor qaratib noyob effektlar yaratdi, masalan, taqinchoq yuzasini bir vaqtning o‘zida yumshoq va yarqiroq qiladigan “baxmal oltin” effekti.

Brendning asosiy ramzlaridan biri har bir buyumning ichki tomoniga yashirilgan yoqut hisoblanadi. Bu an’ana qadimgi afsonalarga borib taqaladi: yoqut sohibining terisiga tegib, unga baxt va omad keltiradi, himoya qiladi, deb ishonilgan.

foto: instagram/roberto_coin

Roberto Coin klassik uslubning yangi talqinlari bilan hayratlantirishda davom etmoqda. Eng mashhur kolleksiyalar orasida:

Art Deco – geometriya hashamat bilan uyg‘unlashgan ar-deko davriga bag‘ishlangan madhiya;
Venetian Princess – nafis naqshlarda mujassamlashgan venetsiyalik ustalar mahoratiga ehtirom;
Love in Verona – Verona shahri go‘zalligidan ilhomlangan romantika va nafislik;
Pois Moi - yumshoq, nafis chiziqlar bilan uyg‘unlashgan futurizm.

foto: instagram/roberto_coin

Brend fakturalar bilan tajriba o‘tkazib, oq, pushti va sariq oltinlarni mohirona uyg‘unlashtiradi, nodir qimmatbaho toshlardan foydalanadi hamda hatto eng talabchan zargarlik ixlosmandlarini ham hayratda qoldiruvchi ajoyib shakl va kompozitsiyalar yaratadi.

Roberto Coin taqinchoqlari doimo qizil gilamlarni bezaydi, yulduzlar obrazini to‘ldiradi, shuningdek, eksklyuzivlik va hashamatni qadrlaydiganlar garderobining ajralmas qismiga aylanadi. Brend nafaqat trendlarni kuzatib boradi, balki ularni yaratadi. Uning falsafasi zargarlik buyumlari shaxsiyatning aks etishi, o‘zini namoyon qilish usuli va butun umrga qoladigan kichik san’at asari degan g‘oyaga asoslanadi.