Saida Mirziyoyeva “Lider ayollar maktabi”ning to‘rtinchi mavsumi ochilishida so‘zga chiqdi
Dastur ayollarning o‘z salohiyatini ro‘yobga chiqarishi va mamlakat hayotida faol ishtirok etishiga qaratilgan
Prezident maslahatchisi Saida Mirziyoyeva yosh ayollarni qo‘llab-quvvatlashga yo‘naltirilgan tashabbusning to‘rtinchi mavsumi ochilishida nutq so‘zladi. U o‘z chiqishida dastur turli sohalarda yetakchi bo‘lishga intilayotgan iqtidorli va g‘ayratli yosh ayollarni qo‘llab-quvvatlash bo‘yicha o‘z vazifasini davom ettirayotganini ta’kidladi.
“Loyiha ishtirokchilarga nafaqat qimmatli bilim va ko‘nikmalar beradi, balki ularni o‘z imkoniyatlarini ro‘yobga chiqarishga va mamlakatimiz hayotida faol ishtirok etishga ilhomlantiradi”, – deya ta’kidladi Saida Mirziyoyeva.
