“San’at va adabiyot” ordeni
Gayane Umerova madaniy rivojlanishga qo‘shgan hissasi uchun Fransiyaning nufuzli mukofotiga sazovor bo‘ldi
Fransiya Madaniyat vazirligida 31-mart kuni O‘zbekiston Madaniyat va san’atni rivojlantirish jamg‘armasi raisi Gayane Umerovaga ofitserlik darajasidagi “San’at va adabiyot” ordenini topshirish marosimi o‘tkazildi. Fransiya madaniyat vaziri Rashida Dati O‘zbekistonning madaniy aloqalarni rivojlantirishdagi hissasini alohida ta’kidlab, ikki mamlakat o‘rtasidagi strategik hamkorlikni e’tirof etdi.
“San’at va adabiyot” ordeni Fransiyaning eng nufuzli mukofotlaridan biri hisoblanib, har yili san’at va madaniyatning taniqli arboblaridan faqat bir nechtasiga topshiriladi.
