Sky Camp Bo‘stonliq 2025
Xalqaro sport festivali
O‘zbekistondagi Amirsoy tog‘ kurortida 26-27-aprel kunlari Sky Camp Bo‘stonliq 2025 xalqaro sport festivali o‘tkaziladi. Bu tadbir Samarkand Marathon xayriya yugurish turkumini boshlab beradi. Yugurish musobaqalaridan tashqari, dasturda 5, 10 va 20 kilometrlik treyllar, Sky Camp PEAK ekstremal yugurish bellashuvi, yoga mashg‘ulotlari, bolalar uchun masofalar va plogging ekologik tashabbusi kabi tadbirlar o‘rin olgan.
“Festival barcha tayyorgarlik darajasidagi yuguruvchilar uchun ochiq. Har bir ishtirokchi Amirsoy tog‘ kurortining go‘zal manzaralaridan zavq olishi va bizning noyob tadbirlar turkumining bir qismiga aylanishi mumkin”, – deb ta’kidladi Samarkand Marathon yugurish turkumining kuratori Mirxon Sagitov.
