Spinelli Kilcollin: “it girls” uchun haqiqiy hashamat

Zargarlik buyumlarini yaratish san’at hisoblansa, Spinelli Kilcollin - haqiqiy afsona. Bu hikoya butik vitrinasida emas, balki uni qo‘lga kiritgan sohibining qalbida tug‘iladi. Shundagina taqinchoqlar kattaroq bir narsa: falsafaga, davr ko‘zgusiga, lahzani ilib olishga urinishga aylanadi. Spinelli Kilcollin aynan shunday hikoya. Xuddi kichik koinotdek, unda chiziqlar nafis o‘ralishib, insonlar, shaharlar va orzular qanday bog‘langanini eslatadi.

Hammasi ... garajdan boshlanadi

Dizayner va moda maslahatchisi Iv Spinelli bo‘lg‘usi rafiqasi bilan Maxfield butigida uchrashgan. Asosan haykaltaroshlik bilan shug‘illangan Duayer Kilkollin ko‘rgazma ochilishiga kiyim izlayotgan edi. Ilhom chaqnashi, go‘yo vaqt kapsulasi ochilganidek. Ikki unsurning uchrashishi. Bu nafaqat ittifoqning, balki Spinelli Kilcollin brendining boshlanishi edi.

Foto: instagram/spinellikilcollin

Iv tomonidan garajda ishlab chiqilgan va otasining qo‘lbola uzugi Galaxy Rings uslubiga asos bo‘ldi. Bir-biriga chirmashgan halqalardan iborat kompozitsiya ularning o‘ziga xos belgisiga aylandi. Uzukni bir vaqtning o‘zida bir necha usulda: bitta barmoqda, bir nechta barmoqda yoki hatto bilaguzuk sifatida taqish mumkin edi.

«Biz shunchaki tajriba o‘tkazmoqchi edik”, – deb eslaydi Iv. “Duayer metall bilan ishlardi, men modani sevardim va biz ehtiroslarimizni bitta narsada birlashtirmoqchi bo‘ldik. Bu brendga aylanadi deb hatto o‘ylamagandik».

Foto: instagram/spinellikilcollin

Ularning g‘oyasi juda yorqin bo‘lib, e’tiborsiz qolishi mumkin emasdi. Dastlabki qo‘lda yasalgan uzuklarni do‘stlar va tanishlar buyurtma qila boshlashdi. Kimdir uni uch barmog‘ida taqdi, boshqasi – bitta barmoqda, uchinchisi – bilaguzukka aylantirdi. Taqinchoq go‘yo har bir yangi egasining qo‘lida o‘ziga xos shaxsiyat kasb etayotgandek edi.

«Biz shunchaki dizayn emas, balki chuqurroq narsa yaratayotganimizni tushundik. Bu odamlar, ularning turlicha bo‘lish erkinligi haqida edi», – deydi Duayer.

Brend falsafasi

Brend dizayn qanday qilib bir vaqtning o‘zida hashamatli va ongli bo‘lishi mumkinligi g‘oyasiga amal qiladi. Qayta ishlangan materiallarga e’tibor, axloqiy ishlab chiqarishni qo‘llab-quvvatlash – bularning barchasi Spinelli Kilcollin’ni zamonaviy moda olamining muhim ishtirokchisiga aylantiradi.

Brendning tashrif qog‘oziga aylangan bog‘langan halqalar birlashishni anglatadi. Ular dunyodagi hamma narsa: o‘tmish va kelajak, orzular va voqelik, odamlar va ularning tarixi bir-biri bilan bog‘liqligini eslatib turadi.

Foto: instagram/spinellikilcollin

2020-yilda, pandemiya dunyoni to‘xtashga majbur qilganida, Spinelli Kilcollin daromadi xayriyaga yo‘naltirilgan kumush kolleksiyasini ishga tushirdi. Bu taqinchoqlar nafaqat chiroyli, balki ma’noli ham bo‘lishi mumkinligini eslatadigan qadam edi.

Duayer, rassom sifatida, har bir uzukda kichik haykal ko‘radi. Uning qo‘li fakturani, og‘irlikni, muvozanatni his qiladi. Iv esa o‘zining nozik moda tuyg‘usi bilan har bir taqinchoqni shunchaki zamonaviy emas, balki jonli qiladi. Birgalikda ular shaxsiyatning bir qismiga aylanadigan narsani yaratadilar.

Foto: instagram/spinellikilcollin

Spinelli Kilcollin’ni kim taqadi?

Spinelli Kilcollin taqinchoqlari o‘zligini namoyon qilishdan qo‘rqmaydigan, buyumlarda nafaqat go‘zallikni, balki ma’noni ham qadrlaydigan kishilar uchun. Brend muxlislari orasida modani ergashtiradigan emas, yaratadigan insonlar bor – Zoi Kravits, Gvinet Peltrou, Opra Uinfri, Xaydi Klum va boshqa ijodkor shaxslar.

«Kimdir uzugimizni taqib yurganini ilk bor ko‘rganimni eslayman. U ko‘rgazmadagi fotograf edi. Uni biz tasavvur qilmagan tarzda taqqandi. Shunda tushundim: bizning taqinchoqlarimiz o‘z hayoti bilan yashaydi», – deydi Iv.

Foto: instagram/spinellikilcollin

Spinelli Kilcollin nikoh uzuklari haqidagi tasavvurni o‘zgartira oldi. Yagona brilliant o‘rniga – murakkab kompozitsiyalar, bu yerda toshlar va metallar ko‘p qatlamlilikni yaratadi. Har bir uzuk nafaqat muhabbat, balki tenglik, erkinlik, betakrorlik ramziga aylanadi.

«Biz an’analar chegarasidan chiqishni istaganlar uchun uzuklar yaratamiz. To‘yda marosimlar to‘plamini emas, balki o‘ziga xos narsani yaratish imkoniyatini ko‘radiganlar uchun», – deb tushuntiradi Duayer.

Brend tomonidan ishlab chiqilgan to‘rt tirnoqli innovatsion oprava toshning go‘zalligiga urg‘u beradi. U tabiiy yorqinlikni ta’kidlab, ko‘zga ko‘rinmasdek tuyuladi.

Foto: instagram/spinellikilcollin

Spinelli Kilcollin so‘zlaydigan taqinchoqlardir. Ular aloqalar, o‘zingiz bo‘lish erkinligi, har bir detalning ahamiyati haqida hikoya qiladi. Bu uzuklar modaga bo‘ysunmaydi – ular uni yaratadilar.