Sporty & Rich va adidas Originals brendlari qoʻshma kolleksiya taqdimoti
Hamkorlik munosabati bilan brendlar birgalikda “pop-up” doʻkonini ochishdi
Sporty & Rich va adidas Originals brendlari 2024-yilning Olimpiya oʻyinlariga bagʻishlangan qoʻshma kolleksiyalarini taqdim etdi.
U Samba, Handball Spezial va Adistar Cushion krossovkalarining o‘ziga xos modellarini o‘z ichiga oladi. To‘plamdan, shuningdek, sport toplari, futbolkalar, shortiklar va longslivlar ham o‘rin olgan.
Parijning Bristol mehmonxonasida brendlar hamkorlik sharafiga “pop-up” doʻkonini ishga tushirishdi. U yerda yangi kolleksiya, takrorlanmas sharbatlar, desertlar hamda bagetlar barcha tashrif buyuruvchilar uchun taqdim etilgan.
“Pop-up” do‘koni oʻz ish faoliyatini avgust oyining oxirigacha davom ettiradi. Hamkorlik to‘plamlarini Sporty & Rich brendining rasmiy sayti orqali ko‘rishingiz mumkin.
