Tilda Swinton – Ongoing
Shaxsiy ko‘rgazma
“Oskar” mukofoti va avangard timsoli sohibasi aktrisa Tilda Suinton Amsterdamdagi Eye Filmmuseum muzeyida o‘z retrospektivasiga ega bo‘ladi. “Tilda Swinton - Ongoing” deb nomlangan ko‘rgazma 28-sentyabr kuni ochiladi va unda Suintonning 40 yillik faoliyati, jumladan, rejissyorlar Luka Guadagnino, Pedro Almodovar, Jim Jarmush va boshqalar bilan hamkorligi haqida hikoya qilinadi.
Ekspozitsiya sakkizta noyob asarni o‘z ichiga oladi, ularda kino, moda va fotografiya elementlari, jumladan, moda tarixchisi Olive Sayyarning installyatsiyalari va fotograf Tim Uokerning suratlari namoyish etiladi. Loyihani shaxsan o‘zi nazorat qilayotgan Suinton ijodiy hamkorlik uning karyerasida muhim ahamiyatga ega ekanligini ta’kidladi.
