To‘y g‘oyalari uchun Instagramdagi eng sara 6 ta sahifa
Liboslar, guldastalar, bezaklar va to‘y tashkilotilari — ilhom olish uchun kerak bo‘lgan barcha narsalar bir ro‘yxatda
Nafis ko‘ylaklardan va ilhom beruvchi gullardan tortib butun kunga ruh bag‘ishlaydigan bayram bezaklarigacha. Bu sahifalar zamonaviy g‘oyalarni topish, muhitni rejalashtirish va shunchaki go‘zal tafsilotlardan zavqlanish uchun ajoyib manbalardir. To‘yingizga hali vaqt bo‘lsa ham, ularni saqlab qo‘ygingiz keladi.
Shaxsiy to‘y tashkilotchingiz
fotо: instagram \@weddywood
Bu sahifada siz dolzarb tendensiyalar va foydali maslahatlarni topasiz: ko‘ylakni qanday tanlash, taomnomaga nimalarni kiritish, byudjetni qanday boshqarish, qaysi ro‘yxatlarni esdan chiqarmaslik kerak. Hatto brendlar to‘plami bilan qo‘llanmalar va xarid ro‘yxatlari ham mavjud. Agar siz to‘yga tashkilotchisiz tayyorgarlik ko‘rayotgan bo‘lsangiz, juda qulay bo‘ladi.
Ohangni belgilovchi detallar
fotо: instagram \@thehappier_official
Mato lavhalar, taklifnomalar, kartochkalar va menyu — to‘y qiyofasini yaratuvchi mayda detallar. Bu sahifa mayda-chuydalarda nafosatni qadrlaydiganlar uchun. Hammasi vazmin, puxta o‘ylangan, yuksak did bilan ishlangan.
Chiroyli yechimlar bilan haqiqiy to‘ylar
fotо: instagram \@theweddingbliss
Butun dunyo bo‘ylab to‘ylarni namoyish etuvchi ilhombaxsh sahifa — zamonaviy, ta’sirli, jonli. Bu yerda stolni qanday bezash, arkka nima bilan ziynat berish, ranglar, matolar, yorug‘likni qanday uyg‘unlashtirish mumkinligini ko‘rib chiqish mumkin. Nozik muhit, ortiqcha bezaklarsiz.
Guldastalar va gul kompozitsiyalari
fotо: instagram \@aljarraflower
Agar to‘y guldastangiz qanday bo‘lishi kerakligini bilmasangiz, ushbu sahifadan boshlang. Bu yerda siz oddiy mavsumiy kompozitsiyalarni ham, hashamatli guldastalarni ham topasiz. Har bir g‘oya — o‘ziga xos kayfiyat, rang va shakl uyg‘unligi bilan. Qulay tomoni shundaki, har bir suratda guldasta batafsil ko‘rsatiladi — u kelinning qo‘lida qanday ko‘rinishi, libos bilan qanday uyg‘unlashishi va kadrda qanday namoyon bo‘lishi.
Dunyoning istalgan burchagidagi to‘ylar
fotо: instagram \ @llevents
Butun dunyo bo‘ylab orzudagi to‘ylarni yaratuvchi rejalashtiruvchilar va dizaynerlar.
Ulardan to‘y o‘tkaziladigan manzilni bezashning o‘ziga xos g‘oyalaridan ilhom olish mumkin: ravoqni qanday bezash, stollarni tabiiy landshaftga moslashtirish yoki oddiy chodirni kinoga aylantirish. Bu sahifa ilhomni Pinterest’dan emas, balki haqiqiy loyihalardan izlayotganlar uchun vizual kutubxonaga o‘xshaydi.
