Jimmy Choo yangi kuzgi kolleksiya kampaniyasini namoyish etdi

Jimmy Choo 2024-yilning kuz-qish mavsumlari uchun «Glamour Refined» nomli yangi kolleksiya kampaniyasini taqdim etdi. Kampaniya 81-Venetsiya xalqaro kinofestivalining ochilishida namoyish etiladigan «Beetlejuice Beetlejuice» filmining premyerasiga bag‘ishlangan.

Filmda bosh rollardan birini ijro etayotgan Winona Ryder kampaniyaning yuzi bo‘ldi. Suratlar muallifi Ezra Petronio bo‘lib, tasvirga olish jarayonini Camilla Nickerson uslublashtirdi.

Kuzgi kolleksiya brendning shakllanish yillariga bag‘ishlangan. Bu yerda zamonaviy yo‘nalishlar ruhidagi klassik modellar brend an’analari bilan uyg‘unlashtirilgan. Toʻplamda 90-yillarga xos Scarlett poshnali poyabzal modellari va Cinch sumkasining turli xil talqinlari o‘z aksini topgan.

Glamour Refined to‘plamidagi mahsulotlarni Jimmy Choo brendining rasmiy saytida xarid qilish mumkin.