Artissima

Artissima Italiyadagi zamonaviy san’at olamidagi eng muhim voqealardan biridir. Unda ishtirok etish rassomlar uchun muhim bosqich bo‘lib, ularning innovatsiya va tajribalarga sodiqligini tasdiqlaydi. Ushbu yarmarka rassomlarning Yevropa va xalqaro miqyosda tan olinishini sezilarli darajada oshiradi, ularning kasbiy o‘sishi va muvaffaqiyatiga hissa qo‘shadi. Shuningdek, rassomlar, galereyalar va kolleksionerlar o‘rtasida mustahkam aloqalar o‘rnatishga imkoniyat yaratadi.

Vivian Caccuri, Dance of the solemn sirens, 2024, Courtesy The artist and A Gentil Carioca, Photo: Pedro Agilson

Rodrigo Torres, Glazed ceramic and epoxy adhesive, 2024, Courtesy The artist and A Gentil Carioca, Photo: Filipe Berndt

Artissima ishtirokchilarga o‘z ishlarini institutsional xaridlar uchun taqdim etish imkoniyatini beradi. Masalan, CRT fondi muntazam ravishda muzey kolleksiyalarini asarlar bilan to‘ldiradi, bu rassom uchun nufuzli yutuq hisoblanadi.

Giulio Paolini, Dall'Italia, Courtesy Alfonso Artiaco, 2024

Andrea Fontanari, A swing for the sky, 2024, Courtesy Boccanera Gallery Trento/Milano

1-3-noyabr kunlari bo‘lib o‘tadigan bu yilgi yarmarkada dunyoning turli mamlakatlaridan galereyalar ishtirok etadi. Qo‘shimcha ma’lumotlarni www.artissima.art rasmiy veb-saytidan topishingiz mumkin.

Alice Baber, Untitled, 1960, Courtesy Ronchini Gallery

Gioberto Noro, Renaissance (after Malevič), 2021, Courtesy the artist and Simóndi Gallery

Yarmarka ishtirokchilari orasida iste’dodli rassom Aziza Kadyri ham bor. Uning har bir asari O‘zbekiston madaniy merosi bilan o‘ziga xos bog‘liqlikni aks ettiradi. U turli texnikalardan foydalanib, betakror jozibasi bilan ajralib turadigan asarlar yaratadi.

Aziza Kadyri, Self-exoticisation archives, 2024, Courtesy of the artist and Eastcontemporary, Milan

Aziza Kadyri: “Ushbu installyatsiya mening to‘qimachilik ishimni, shuningdek, sun’iy intellekt bilan suhbatlar mavzusidagi tadqiqotni o‘z ichiga oladi, unda syuzane sun’iy intellekt bilan “uchrashadi”. Uch o‘lchovli installyatsiyalar ham, ramkaga tortilgan to‘qimachilik ham hosil bo‘ldi. Hajmi kichikroq bo‘lishiga qaramay Berlinda taqdim etgan uch o‘lchamli haykaltaroshlik ishimni ham ko‘rgazmaga qo‘yishim ehtimoli bor. Bu ko‘rgazmaga meni Milandagi East Contemporary galereyasida bo‘lganimda taklif qilishdi. Men ushbu yarmarkada ishtirok etishni juda xohlayman, chunki bu mening faoliyatimdagi birinchi san’at yarmarkasi. Ushbu yarmarka juda konseptualligi bilan boshqalardan ajralib turadi”.

Aziza Kadyri, Daughter of Bakhtiyo, 2024, Courtesy of the artist and eastcontemporary, Milan

Aziza o‘z san’ati orqali O‘zbekistonning boy tarixi va madaniy an’analarini yetkazishga intiladi, bu esa uning asarlarini nafaqat vizual ta’sirli, balki chuqur ma’noga ega qiladi.