Gucci “Prospettive” seriyasining to‘rtinchi jildini chiqardi
Kitob Londonga bag‘ishlangan
Gucci moda uyi “Prospettive” turkumining to‘rtinchi jildini chop etib, uni Londonga bag‘ishladi. Kitob ijodiy direktor Sabato De Sarno hamda “A Vibe Called Tech” studiyasi kuratorlari Sharlin Prempex va Lyuis Dalton Gilbertlar hammuallifligida yaratildi.
“Gucci Prospettive 4: Ancora Londra” loyihasi Britaniya poytaxtining moda, me’morchilik va madaniy o‘ziga xosligi o‘rtasidagi aloqalarni tadqiq etadi. Gucci tarixi London bilan bir necha bor kesishgan: XX asr boshida Guchchio Gucci “Savoy” mehmonxonasida yuk tashuvchi bo‘lib ishlagan paytdan to Tate Modern galereyasida “Cruise 2025” kolleksiyasini namoyish etishgacha.
Kitobning taqdimoti Londondagi Gucci’ning asosiy do‘konida o‘tkazildi.
