«A Matter of Radiance»

Venetsiyadagi 19-Xalqaro arxitektura biennalesi doirasida O‘zbekiston Milliy pavilyoni “A Matter of Radiance” ko‘rgazmasi bilan o‘z eshiklarini ochdi. Loyiha O‘zbekiston Madaniyat va san’atni rivojlantirish jamg‘armasi rahbari Gayane Umerova tashabbusi hamda GRACE arxitektura byurosi kuratorligi ostida 1987-yilda bunyod etilgan noyob ilmiy majmua – Quyosh materiallari institutiga bag‘ishlangan.

Ko‘rgazma ushbu majmuani modernizm merosining bir qismi sifatida va barqaror kelajak uchun dolzarb platforma sifatida tahlil qiladi. Ekspozitsiyada rassomlar, dizaynerlar va tadqiqotchilarning ishlari, jumladan, video o‘rnatmalar, arxiv topilmalari va ishlab turgan quyosh pechi namoyish etilmoqda. Pavilyon Atrof-muhitni muhofaza qilish va yashil iqtisodiyot yilida O‘zbekistonning ekologik yo‘nalishini ta’kidlovchi dasturning tarkibiy qismiga aylanadi.