Pastki bel o‘rni: trendning qaytishi

Yozda taraddud ko‘rishga ulgurganlar uchun

04 Iyul 2024

Irina Perovadan

Pastki bel o‘rni tendensiyasini chetlab o‘tish mumkin, ammo agar uning qaytishi siz uchun ayni muddao boʻlsa, nega uni oʻz garderobingizga qoʻshmasligingiz kerak? Uzoq vaqtlardan keyin podiumlarda paydo bo‘lgan pastki bel o‘rni trendi nafaqat barchani hayratga soldi, balki o‘tmish xotiralarini jonlantirib yubordi. Lekin podiumga qaytgan bu trendni to‘g‘ri qoʻllash juda muhim sanaladi.

Foto: Spotlight / Max Mara

Foto: Spotlight / Sacai

Jinslar, shimlar va yubkalarni tor ustki kiyimlar (toplar) bilan kiyish mumkin, bu bilan goʻyoki trendning boshlangʻich davriga teleportatsiya qilinadi. Obrazni keng bluzkalar, ko‘ylaklar, korsetlar, toplar yoki nimchalar ham to‘ldiradi. Eng jasoratlilar toqalarga aksent berilgan keng kamarlarga e’tiborlarini qaratishlari mumkin.

Foto: Spotlight / Valentino

Foto: Spotlight / Max Mara

Agar sizga bunday yechim umuman yoqmasa, dizaynerlar muqobil variantni - bel qismi pastlatilgan koʻylaklarni taklif qilishadi. Bel qismi odatdagidan pastroq tushirilgan yubka oʻziga xosligi bilan ajralib turadi. Biz xohlaymizmi yoki yo‘qmi, ammo moda siklik boʻlib, shuning uchun tendensiyalar bizga yana va yana qaytaveradi. ELLE trendli stilistik usul obrazlarning bir nechta namunalarini to‘pladi.