Formula-1: g‘ildiraklar ustidagi podium

Moda dunyosi doimo yangi maydonlar va sahnalar izlashda davom etmoqda. Yaqinda esa tanlov kutilmagan joyga – Formula-1 Gran-prisining start panjarasiga tushdi. Bugungi kunda eng mashhur yulduzlarni namoyishlarning oldingi qatorlarida emas, balki Formula-1 jamoalarining garajlarida ko‘rish mumkin. Ularning soni va maqomi asosiy moda haftaliklaridan aslo qolishmaydi. Biz esa, aftidan, motorlar gumburlashi va butun dunyo bo‘ylab poyga trassalari fonida yangi norasmiy format - Fashion Weekend ostonasida turibmiz.

So‘nggi bir necha yil ichida Formula-1 “o‘zinikilar” uchun, avtomobillar, tezlik va texnik o‘ziga xoslikning ashaddiy muxlislari uchun yopiq klub bo‘lishdan vos kechdi. Marketing strategiyasining o‘zgarishi, Netflix’da “Drive to Survive” hujjatli serialining ishga tushirilishi va albatta premium brendlarning faol jalb etilishi tufayli bu avtosport ochiqlik va yangi vizual o‘ziga xoslik ramziga aylandi.

foto: instagram/scuderiaferrari

Yaqinda Fransiyaning Louis Vuitton moda uyi Formula-1 bilan keng ko‘lamli hamkorlik to‘g‘risida e’lon qildi va Melburndagi bu mavsumning birinchi poygasiga ko‘ra, hamkorlik juda jiddiy bo‘ladiganga o‘xshaydi. Kompaniya logotipi bordyurdan tortib, paddokni o‘rab turgan ulkan bannerlargacha – trassaning har bir burchagida ko‘zga tashlanardi. Asosiy poygadan so‘ng esa uchta g‘olib bilan podiumda turgan orzu qilingan sovrin uchun maxsus Louis Vuitton chamadon taqdim etildi, bu esa hamkorlikning ramziy ifodasiga aylandi.

foto: instagram/louisvuitton

Endi “Formula-1” homiylarini nafaqat banklar va IT-gigantlar, balki poyga madaniyatining to‘laqonli ishtirokchilariga aylanayotgan sevimli hashamatli brendlarimiz ham tashkil etadi. Bu podiumning davomimi?

Poyga tadbirining salohiyatini oldindan ko‘ra bilgan ilk moda brendlaridan biri Hugo Boss bo‘lib, u 1981-yildan beri turli jamoalar bilan hamkorlik qilib kelmoqda. Brend kiyimlarida afsonaviy Ayrton Senna, Luis Hamilton, Fernando Alonsolarni ko‘rish mumkin edi. Shuni ham ta’kidlash joizki, 43 yoshida Alonso hamon Bossning rasmiy ambassadori bo‘lib qolmoqda. U kompaniya qadriyatlarini boshqalar bilan ulashayotgani va dunyoga uslubning yoshi hamda vaqt chegarasi yo‘qligini eslatadi. Shunday qilib, brendlar sport bilan tutash nuqtalarni topadi va poyga madaniyatiga tabiiy ravishda singib boradi. Pilotlar esa o‘z uslubi, xarizmasi va shaxsiy qiyofasi orqali ularning DNKsini jonli aks ettiradi.

foto: instagram/boss

2018-yilda Tommy Hilfiger “brendlar tezkor kechasi”ga qo‘shilib, Mercedes-AMG Petronas jamoasi bilan shartnoma imzoladi. Biroq, Hilfiger shunchaki poygachilar kiyimidagi logotip bo‘lib qolmadi. U o‘z elchilari “oilasi”ni - Jiji Hadid, Kendall Jenner va Lyuis Hemiltonni jamladi hamda muvaffaqiyatli reklama kampaniyasini uyushtirdi. Unda Hemilton modellarni poygachi Mersedesda zavqli sayr qildirdi. Tommy Hilfiger va Hemilton hatto “Tommy x Lewis” qo‘shma kolleksiyasini chiqarishga ham ulgurdilar. Shu tariqa, ular Formula-1 pilotlari bugun nafaqat sport yulduzlari, balki haqiqatdan ham moda yo‘nalishlariga ta’sir o‘tkaza oladigan nufuzli shaxslar ekanligini isbotladilar.

foto: instagram/tommyhilfiger

Shunday qilib, Chanel, Diesel, Balenciaga kabi boshqa yirik brendlar ham motorcore yo‘nalishini qabul qilib, mavzuga oid kapsula kolleksiyalarini ishlab chiqara boshladilar. Ommabop brendlar ham chetda qolmadi: H&M va Bershka’ning poyga estetikasiga bag‘ishlangan liniyalari xuddi trassadagi mashinalar kabi tezlik bilan sotildi.

foto: instagram/scuderiaferrari

Formula-1 endi faqat musobaqa maydoni bo‘lib qolmay, sport chegaralaridan tashqariga chiqdi. Endi u ro‘zg‘orda qo‘l keladigan mahsulotiga aylanib, tobora ommalashib bormoqda. Moda sanoatining hamkorlikka shunchalik intilishi ajablanarli emas: ular avtosportda nafaqat mahsulotlar va aksessuarlarni, balki odamlarga ham yetib borishini va ular hayotining ajralmas qismiga aylanishni xohlaydigan o‘ziga xoslik, qadriyatlar va didni targ‘ib qilish uchun mukammal yangi platforma ko‘rishmoqda.