Jenny Yoo Bridesmaids FW2025 to‘plamini taqdim etadi

Nyu-Yorklik dizayner Jenny Yoo deyarli yigirma yil davomida to‘y modalari olamiga yangi tus berib kelmoqda. Uning brendi ajoyib to‘y liboslari va kelinning dugonalari uchun liboslarga o‘ziga xos yondashuv tufayli mashhurlikka erishdi. 2002-yilda kelin dugonalari uchun o‘zining birinchi to‘plamini taqdim etgach, Jenny yangi maqsad qo‘ydi – uning dadil qarashlari va o‘zgarishlarga intilishi to‘y tantanasini zamonaviy hamda esda qolarli voqeaga aylantirishga imkon berdi.

Jenny Yoo firmasining uslubi – bu toza chiziqlar va nafis bichim bo‘lib, yengillik va erkinlik hissini yaratadi. Har bir libos uning falsafasini ta’kidlab, mayda-chuydalarigacha o‘ylab chiqilgan: kelin dugonalarining liboslari kelinning qiyofasini xiralashtirishi emas, balki to‘ldirishi kerak. 2025-yil kuz-qish mavsumi uchun kolleksiyada zamonaviy tendentsiyalardan ilhomlangan noyob modellar jamlandi.

Kolleksiyani yaratishda e’tibor asosan  minimalizmga qaratilgan. Pastel tusdagi satin ko‘ylaklar nafislikni ta’kidlab, siluetni ortiqcha tafsilotlar bilan to‘ldirib yubormasdan, nafis va sokin qiyofa yaratadi.

foto: spotlight \ jenny yoo

foto: spotlight \ jenny yoo

foto: spotlight \ jenny yoo

FW25 kolleksiyasida romantik ohang qo‘shadigan va ayollik jozibasini ifodalovchi klassik a-obrazli fasondagi gulli bosmalarni ko‘rish mumkin. Jenny kelinning har bir dugonasining go‘zalligini ta’kidlash uchun an’ana va zamonaviylik o‘rtasidagi muvozanatni topishga muvaffaq bo‘ldi.

foto: spotlight \ jenny yoo

foto: spotlight \ jenny yoo

foto: spotlight \ jenny yoo

Dizayner uchinchi obraz sifatida yengil fatindan tikilgan libos modelini taqdim etadi. U qomat ustiga silliq yotib, vaznsizlik hissini yaratadi, aksessuarlar esa tasvirga nafislik va nafosat qo‘shadi

foto: spotlight \ jenny yoo

foto: spotlight \ jenny yoo