Prada Kerolin Bessett-Kennedining mashhur loferlarini qayta chiqardi
1995-yilgi kolleksiyadagi dalmatin naqshli model bayram mavsumida qaytdi.
Prada 1995-yil kuz–qish kolleksiyasidagi dalmatin naqshli loferlarni qaytarmoqda. Bu model Kerolin Bessett-Kennedi tufayli moda tarixidan joy olgan: o‘sha yilning oktabrida u kichik Jon Kennedi bilan Nyu-Yorkdagi The Bowery Bar’da aynan shu poyabzalda ko‘ringan edi. Modelning qayta chiqarilgani haqida.
Oq-qora dog‘lar moda uyining bayram mavsumi takliflarida yana paydo bo‘ldi. Loferlardan tashqari, bu naqsh sumkalar, panama va boshqa aksessuarlarda ham qo‘llangan. Poyabzalning yangi versiyasi tukli buzoq terisidan ishlangan.
Kundalik obraz uchun bunday loferlarga sodda asosning o‘zi yetarli: to‘g‘ri bichimli jinsi shim, oq ko‘ylak yoki qora trikotaj. Kontrast naqsh asosiy urg‘u vazifasini bajaradi, shu bois qo‘shimcha printlarga ehtiyoj qolmaydi.
