Visa Fashion Week Almaty. Birinchi kun.

Tadbirning eng esda qolarli lahzalari haqida hikoya qilamiz.

09 May 2025

Aziza Daniyarovadan

Olmaotada 2025-yil 3-5-may kunlari Qozog‘iston va Markaziy Osiyo Xalqaro moda haftaligining yangi mavsumi – Visa Fashion Week Almaty bo‘lib o‘tdi. Bu mavsum doimiy harakat g‘oyasiga qaratilgan bo‘lib, unda izlash jarayoni natijadan ko‘ra muhimroq bo‘lib qoladi. Bu tushunchaning ramzi sifatida Esherning tugallanmas zinapoyalarini ko‘rsatish mumkin. Aynan shunday zinapoyalardan yangi iste’dodlar – yosh dizaynerlar qadam-baqadam ko‘tariladi. Ular uchun har bir qadam modadagi katta va cheksiz yo‘lning bir qismiga aylanadi.

Uch kun davomida 18 ta namoyish – 18 ta hikoya taqdim etildi. Ularning har biri o‘ziga xos mavzu va kayfiyatni yoritib berdi: sayyoramiz kelajagi haqidagi falsafiy fikrlardan tortib, Olmaota shahriga bag‘ishlangan madhiyalargacha. Bu madhiyalar shaharning an’analar va zamonaviylikni uyg‘unlashtira olish qobiliyatini aks ettiradi.

Dizaynerlar ko‘rgazmalarni chinakam tomoshalarga aylantirdilar. Ular hikoyalarni nafaqat kolleksiyalar orqali, balki raqs sahnalari, video san’at, dekoratsiyalardan foydalanish va hatto fazoda muallaq turgan modellar vositasida ham ifoda etdilar.

foto: TOSI X MILA_R / ALEN ASSEMOV

Birinchi kun Anima brendi ethno-urban uniseks uslubidagi kolleksiyasini namoyish etdi. Ko‘rgazma o‘ziga, tabiatga, tanaga va erkinlikka bo‘lgan sevgining haqiqiy namoyandasiga aylandi. Modellar podiumda go‘yo shamol ta’sirida harakatlanayotgandek, kiyimlarning yumshoq, tabiiy shakllarini aks ettirdilar. Bu g‘oya nafaqat kolleksiya ranglari orqali, balki xoreografiya vositasida ham ifodalandi: raqs o‘ziga xos ichki monologga, botiniy uyg‘unlik, o‘zini anglash va atrof-muhit bilan uyg‘unlashish haqidagi hikoyaga aylandi.

FOTO: ANIMA / RAIMONDA KULIKAUSKIENE

FOTO: ANIMA / RAIMONDA KULIKAUSKIENE

FOTO: ANIMA / RAIMONDA KULIKAUSKIENE

FOTO: ANIMA / RAIMONDA KULIKAUSKIENE

Foto: Zhasmin Akopyan_Raimonda Kulikauskiene

Dasturda Visa va Visa Fashion Week Almaty hamkorligida tashkil etilgan Next Designer Award (NDA) loyihasi finalchilari bo‘lgan yosh dizaynerlarning namoyishlari alohida o‘rin egalladi. Ularning to‘plamlari modaga yangicha qarashni namoyish etib, mavsumning asosiy g‘oyasini tasdiqladi: oldinga intilish, doimiy qayta idrok etish va yangi shakllarni izlash zamonaviy ijodning markazida qolmoqda.

Jasmin Akopyan o‘zining “Introspektiva” nomli to‘plamini taqdim etdi. Bu to‘plam o‘zini anglash, ichki dunyoga sho‘ng‘ish va ko‘p qirrali shaxsiyatni qabul qilish haqida hikoya qiladi. O‘zining barcha qirralarini qabul qilish g‘oyasi nozik tafsilotlar orqali ifodalangan: modellarning yuzlari va sochlarini o‘rab turgan aksessuarlar ko‘plab akslantirish effektini yaratgan, bu esa o‘zingizga turli tomonlardan va burchaklardan qarash imkonini bergan.

foto: ZHASMIN AKOPYAN / RAIMONDA KULIKAUSKIENE

foto: ZHASMIN AKOPYAN / RAIMONDA KULIKAUSKIENE

foto: ZHASMIN AKOPYAN / RAIMONDA KULIKAUSKIENE

foto: ZHASMIN AKOPYAN / RAIMONDA KULIKAUSKIENE

Visa Fashion Week Almatyning birinchi kuni ichki izlanishlarning in’ikosi sifatida namoyon bo‘ldi - insonning o‘zini sevishidan tortib, o‘zini chuqur anglashiga qadar. Har bir namoyish bu yo‘lning yangi qirralarini ochib berdi, bugungi moda shunchaki ko‘z bilan ko‘rinadigan san’at emas, balki tuyg‘ular, g‘oyalar va intilishlar tili ekanligini isbotladi.