Janni Versache
Mashhur italiyalik dizaynerdan 10 ta iqtibos
Janni Versache 80-yillardan boshlab eng mashhur dizaynerlardan biriga aylandi. Uning nomi jasorat va cheksiz ijodiy quvvatning ramziga aylandi. Uning moda olamiga bo‘lgan noyob qarashi Versacheni klassika va zamonaviylikni, qadimgi yunon naqshlari va dadil yechimlarni uyg‘unlashtirgan avangardchi rassomga aylantirdi. Uning tug‘ilgan kunida biz uning eng yorqin fikrlarini yodga olamiz.
foto: Spotlight
“Siz har kuni to‘siqlarni yengib o‘tishingiz kerak. Men uchun moda har kuni tug‘iladi va o‘ladi”.
foto: Spotlight
“Hatto modaga befarqman deydigan odamlar ham unga e’tibor berishadi. Biz chiroyli ko‘rinishni yoqtiramiz. Modada go‘zallik, sifat va hayotni topish mumkin. U sizning hayotingizga rang baxsh etadi”.
foto: Spotlight
“Juda konservativ bo‘lgan Versache bor, juda g‘alati bo‘lgan Versache bor, juda teatral Versache bor... Men hali qaysi biri bo‘lishni xohlashimni aniqlamaganman”.
foto: Spotlight
“Agar ko‘r bo‘lmasangiz, modani hamma joyda ko‘rishingiz mumkin”.
foto: Spotlight
“Menimcha, yuzaki bo‘lish uchun juda chuqur fikrlaydigan bo‘lish kerak”.
foto: Spotlight
“Men xuddi keyingi asrda yashayotgandekman. O‘tmishni unutmagan holda kelajak bilan yashashni yaxshi ko‘raman. Mening modam falsafiy yoki intellektual ma’noga egaligini bilmayman, u odamlar bilan bog‘liq. Ahmoq yoki aqlli, nafis yoki dag‘al. Meni ularning tarixi qiziqtiradi”.
foto: Spotlight
“Agar ertaga muvaffaqiyatsiz kolleksiya yaratishga to‘g‘ri kelsa, bu meni hech ham tashvishga solmasdi. Men tanqidchilarga unchalik e’tibor bermayman. Ba’zilar Versacheni daho deyishadi, boshqalari esa uning iste’dodi yo‘q deyishadi. Lekin men na unisiga, na bunisiga ishonaman, men har kunlik mehnatga ishonaman, meni inson va ijodkor sifatida baxtli qiladigan hamma narsaga ishtiyoq bilan yondashaman”.
foto: Spotlight
“Men rok musiqachilari bilan muloqot qilishni yaxshi ko‘raman, ular zamon ruhini o‘zida mujassam etadi va sizni ham ruhlantirishadi. Ishonchim komilki, Springstinning quvvatli musiqasi yoki Sting musiqasining nafisligi dizaynerning ijodiga katta ijobiy ta’sir ko‘rsatishi mumkin”.
foto: Spotlight
“Moda faqat reallikdan tashqariga intilsagina yashab qoladi. Mening barcha liboslarim orasida eng g‘ayrioddiylari, ya’ni kiyib bo‘lmaydi deyilganlari eng yaxshi sotiladi”.
foto: Spotlight
“Beadabmanmi? Ehtimol, men shunchaki dadilman. Dadil odamlar esa odatda a’lo natijalarga erishadilar”.
fotо: Spotlight
