2024-yil avgust oyida Retrograd harakatdagi Merkuriy Har bir burj belgisi uchun maslahatlar
2024-yil 5-avgustdan 29-avgustgacha Merkuriy Retrograd harakatda bo‘ladi. O‘sha mashhur bir hazilda aytilganidek, endi barcha xatolarimizni unga bemalol to‘nkashimiz mumkin.
Sayyoraning retrogradligi nima ekanligini eslatib o‘tamiz. Bu Yerdan kuzatilganda sayyoralarning orbital harakat tezligidagi farq tufayli yuzaga keladigan optik effektdir. Aslida, Merkuriy hech qayerga burilib ketmaydi va odatdagidek harakatda davom etadi, ammo bizga yerdan bu harakat tushunarsiz (retrograd) bo‘lib ko‘rinadi.
Merkuriy retrograd harakatida yiliga 3-4 marta bo‘ladi va shubhasiz odamlar hayotining muayyan jabhalariga ta’sir ko‘rsatadi. Shu bilan birga, Yupiter va Saturn kabi boshqa muhim sayyoralarning retrogradligi odamlar taqdiriga yanada kuchliroq ta’sir o‘tkazadi. Hozirda biz Retrograd Saturn davrini boshdan kechiryapmiz va sizning burjingiz qanday vazifalar bilan yuzlashishi haqida bu yerda o‘qishingiz mumkin.
Keling, dastlab asosiy afsonalarni birma-bir tahlil qilamiz. Retrograd Merkuriy odamlar hayotiga muammo keltirib chiqarishga qaratilmagan. Uning maqsadi bizni o‘z hayotimizning sur’ati va ritmini anglash uchun to‘xtatish, biz u tomon harakatlanayapmizmi yoki yo‘q, shuni tushunishdir.
Merkuriyning retrogradligini biz muloqotlar, aloqalar, ishchanlik faolligi, fikrlash jarayonlarida energiyalarning o‘zgarishida, tushunmovchiliklar, kechikishlar, chalkashliklar, texnik nosozliklar va maishiy ishlardagi boshqa muvaffaqiyatsizliklarda sezishimiz mumkin.
Merkuriy – muloqot, ta’lim, harakatlanish, tijorat uchun mas’ul sayyora. Bu tashqi yo‘nalgan ekstrovert sayyora. Retrograd Merkuriy – introvert. U yangi taassurotlarga, aloqalarga yo‘naltirilmagan, uning vazifasi – kishining o‘z ichki dunyosiga sho‘ng‘ishi, to‘plangan narsalarni anglash orqali fikrlar va munosabatlarni tartibga solishdir. Bu mulohaza yuritish, xatolarni tuzatish, qarzlarni qaytarish vaqti.
22-avgustgacha retrograd Merkuriy Arslon burji bo‘yicha tranzit harakatlanadi. Arslon – bu xarizmatiklik, yetakchilik, olijanoblik, saxiylik kabi xislatlar jamlanmasi demakdir. Sherdagi retromerkuriy holat – o‘zidan, ijoddagi o‘zini namoyon qilish usullaridan qoniqmaslik. O‘z-o‘zidan chekinish odamning o‘zi haqidagi fikrlarini o‘zgartirib, diqqat-e’tiborni boshqa shakllardan qidirishga imkon beradi.
Merkuriyning retrotranziti joylashgan uy, ikkilanishlar va shubhalarning sohasi hamda sababini ko‘rsatadi. 2024-yil avgust oyida hayotingizning qaysi jabhalariga e’tibor qaratishingiz kerakligi haqida o‘qishdan avval, Jyotish (Vedik astrologiya) tizimida o‘zingizning burj belgingizni aniqlang. Buni qanday amalga oshirish bo‘yicha to‘liq yo‘riqnomani shu yerdan topishingiz mumkin.
2024-yil avgust oyida Retrograd Merkuriy yuqoriga ko‘tarilayotgan Qo‘ylarga ish va sog‘liq mavzusini yoritadi. Agar shifokorga uzoq vaqtdan beri bormoqchi bo‘lib, lekin bora olmagan bo‘lsangiz, u sizni bu masalani hal qilishga majbur qiladi. Ishda barcha yechilmagan muammolar yuzaga chiqadi va ularni ham hal qilishga to‘g‘ri keladi.
Ko‘tarilayotgan Buzoqlarga sobiq sheriklardan shikoyatlar kelib tushadi. Retromerkuriy sizni munosabatlar mavzusini qayta ko‘rib chiqishga, hozir sizning yoningizda aynan o‘zingizning odamingiz ekanligini tushunishga majbur qiladi. Agar siz yolg‘iz bo‘lsangiz, sababini tahlil qiling va xulosa chiqaring. Bu davrda bolalar tarbiyasi ham diqqat markazida bo‘ladi.
Retrograd Merkuriy Ko‘tariluvchi Egizaklar uchun uy-joy masalasini qayta ko‘rib chiqish uchun sabab bo‘ladi. Uyni ta’mirlashni yoki qayta qurishni, ko‘chib o‘tishni yoki ko‘pdan beri orzu qilgan mulkni (kvartira yoki mashina) sotib olish istagi paydo bo‘ladi. 2024-yil 5-avgustdan 29-avgustgacha yirik xaridlarni amalga oshirmaganingiz ma’qul, vaqt va kuchingizni mos variantlarni topishga sarflang, bitimni esa sentyabr oyida rasmiylashtiring.
O‘tmishdagi odamlar bilan uchrashuvlarni Retromerkury rivojlanayotgan Qisqichbaqalar uchun tayyorladi. Bu sobiq sevgilisi, sinfdoshi yoki biznes sherigi bo‘lishi mumkin. Siz uzoq vaqt oldin yo‘qotgan hujjatingizni topishingiz mumkin. Maishiy texnikani yangilash, mashinani texnik ta’mirlashga olib borish foydalidir. Salomatlik masalalarida qaror qabul qilishga shoshilmaslik, balki mavjud barcha davolash variantlarini yaxshilab o‘ylab ko‘rish kerak.
O‘z-o‘zini namoyish qilish va pul – rivojlanayotgan Arslonlar uchun avgust Retromerkuriysining ikki asosiy mavzusi. Javoblarni o‘z ichingizdan izlang, tug‘ma iste’dodingizni qay darajada ochib berayotganingizni va qobiliyatingizni qay darajada amalga oshirayotganingizni tahlil qiling. Avgust oyining o‘rtalaridan boshlab pulni boshqarish va yangi moliyaviy darajaga chiqish sohasini qayta ko‘rib chiqish kerak.
Ko‘tariluvchi Parizodlar 2024-yil avgust oyida o‘z uslubi va imijini tahlil qilish bilan shug‘ullanadi. Tashqi ko‘rinishni o‘zgartirish, tana bilan shug‘ullanish, sport zaliga borish istagi paydo bo‘ladi. Siz uchun hozirgi tranzit zararli odatlar bilan xayrlashish, barcha moliyaviy majburiyatlarni yopish va hamkorlar bilan ish kelishuvlarini qayta ko‘rib chiqish uchun ajoyib vaqtdir. Yangi shartnomalarni sentyabrda tuzgan ma’qul.
Ko‘tarilayotgan tarozilar uchun avgust mavzusi – barcha ortiqcha narsalardan xalos bo‘lish degani. Yaqin atrofingizdagilarni tahlil qiling va bu odamlardan qaysi biri bilan kelgusi hayotingizda bo‘lishni istamasligingiz haqidagi savolga o‘zingizga vijdonan javob bering. Eski buyumlarni tashlab yuborish, hujjatlarni qismlarga ajratish, oshxonada taftish o‘tkazish foydalidir. O‘zingizning ichki va tashqi makoningizni shu kuzning o‘zidayoq eshiklaringizni taqillatib keladigan yangi odamlar va buyumlarga tayyorlang.
Retrograd Merkuriy Chayonlar uchun ish, ijtimoiy daraja va tashqi muhit kabi mavzularni qayta ko‘rib chiqish davri bo‘ladi. Sizning hayotingizga eski do‘stlar yoki sizni qiziqishlaringiz birlashtirgan jamoalar qaytishi mumkin va avvalgi qiziqishlarga qaytish yoki o‘zingiz uchun yangi narsalarni kashf etish borasida tanlov qilishingiz kerak bo‘ladi. Bu ijtimoiy tarmoqlarda namoyon bo‘lish masalasiga qaytish uchun ajoyib davr.
Ko‘tarilib kelayotgan O‘qotarlar o‘z maqsadlarini qayta ko‘rib chiqishlari maqsadga muvofiq. Merkuriy retrogradi sizning karyera va shaxsiy munosabatlaringizga ta’sir qiladi. Nikohni yoki ajralishni rasmiylashtirish taklifi bo‘lishi mumkin. Har qanday vaziyatda ham, siz odatdagi hayotingizni tubdan o‘zgartiradigan muhim qarorlar qabul qilmasligingiz kerak. Sentyabrgacha kuting.
Ta’lim va sayohat masalalari bu Retromerkuriyda ko‘tarilayotgan Tog‘ echkilarini o‘ylantiradi. Sayohatni rejalashtirayotganda barcha ma’lumotlarni sinchiklab tekshiring, chalkashliklar va vaqt hamda mablag‘ yo‘qotish ehtimoli yuqori. Yaxshisi, siz qachonlardir bo‘lgan joylarga sayohat qilishni rejalashtiring. Avgustda siz o‘zingiz uchun o‘quv kursini tanlashingiz mumkin, ammo ularda o‘qishni sentyabrdan boshlaganingiz yaxshiroq.
Ko‘tarilgan Qovg‘alar uchun o‘zlarining va boshqalarning moliyaviy resurslariga e’tibor berish muhimdir. Moliya bilan bog‘liq barcha narsani tahlil qiling: qarzni to‘lashdan tortib investitsiyalargacha. Qarz olmaganingiz va mulkni o‘z nomingizga ro‘yxatdan o‘tkazmaganingiz ma’qul – hujjatlarni rasmiylashtirishda xatoliklar ketishi mumkin. Avgust – siz uchun psixoterapiya uchun ajoyib vaqt.
Merkuriy retrogradligi Baliqlarning e’tiborini munosabatlarga qaratadi. Nikoh masalasi, biznes sherikliklari, mijozlar bilan o‘zaro munosabatlar. Agar siz munosabatlarni to‘xtatmoqchi bo‘lsangiz, ijobiy va salbiy tomonlarini tahlil qilish muhimdir. 2024-yil sentyabrgacha munosabatlar mavzusida jiddiy qarorlar qabul qilmaslik ma’qul. Ishdagi hamkorlaringiz sizga noma’lum bo‘lgan jihatlarda o‘zlarini namoyon qilishlari mumkin va siz yangi ma’lumotlar asosida hamkorlikni qayta tiklashingiz to‘g‘ri keladi.
Barcha burj vakillari uchun umumiy tavsiyalar:
- Pozitiv, hushyor bo‘ling va muhim qarorlar haqida bir necha bor o‘ylab ko‘ring.
- Qilayotgan ishlaringizni to‘xtating. Joriy loyihalarni qayta ko‘rib chiqing va takomillashtiring. O‘z-o‘zingizni tahlil qiling va rejalashtirishni amalga oshiring.
- Muloqotda ehtiyot bo‘ling. Empatiya ustida ishlang. Iloji bo‘lsa, kamroq muloqot qiling. Agar buning oldini olishning iloji bo‘lmasa, o‘zingizni aniqroq va tiniqroq ifoda eting. O‘zaro munosabatlarning tiklanishi ehtimoli bor.
- Maishiy texnikaning buzilishi, hujjatlar, narsalarning yo‘qolishi, unutish, kechikishlar, savdoning to‘xtatilishiga xotirjamlik bilan qarang. Elektr jihozlari bilan ishlashda xavfsizlik choralariga rioya qiling.
- Dunyoga o‘zingizga xos hissangizni qo‘shayotganingizni anglang, shubhalarni yo‘q qiling, kuchingizga ishoning.
- Ilhomlanish va ijodiy mahoratingizni rivojlantirish uchun retrotranzitdan foydalaning.
- Qisqa sayohatlarga bormang. Yo‘llar va manzillarda adashishlar bo‘lishi mumkin.
- Yangi biznesni boshlamang, shartnomalar tuzmang, katta xaridlar qilmang va qimmatbaho asbob-uskunalarni xarid qilishni vaqtincha ortga suring.
Merkuriy retrogradining ta’sirini e’tiborsiz qoldirib bo‘lmaydi, lekin tavsiyalarga amal qilib, siz davrni foydali o‘tkazishingiz va hayotingizni yaxshilashingiz mumkin.
